بچپن کے صدمے بعد کی زندگی میں صحت کے مسائل خطرات بڑھا سکتے ہیں، تحقیق

سکاٹ لینڈ کی یونیورسٹی آف ڈنڈی میں کی جانے والی ایک تحقیق میں معلوم ہوا کہ بچپن میں پیش آنے والا تناؤ والا ہر تجربہ بعد کی زندگی میں طویل مدتی صحت کے مسائل میں 13 فیصد تک کا اضافہ کرتا ہے۔

ایڈورس چائلڈ ہوڈ ایکسپیریئنس (اے سی ای) ایسے ٹرامیٹک یا تناؤ والے تجربے ہوتے ہیں جو 18 برس کی عمر سے پہلے پیش آتے ہیں۔

ان میں متعدد اقسام کے منفی تجربات ہوتے ہیں جن میں تشدد کا شکار ہونا، نظر انداز کیا جانا، گھریلو مسائل اور بُلی، خشک سالی یا جنگ شامل ہیں۔

اس تحقیق سے قبل اے سی ایز کا بڑی عمر میں خراب صحت اور سماجی نتائج کے زیادہ خطرات سے تعلق بتایا جا چکا ہے۔

ای سی ایز اور طویل مدتی صحت کے مسائل کے درمیان تعلق بتانے کے لیے ڈاکٹر ڈھین سینارتنے کی رہنمائی میں کام کرنے والی ایک ٹیم نے 3 لاکھ 70 ہزار افراد پر کیے جانے والے 25 مطالعوں کا میٹا اینالسس اور سسٹمیٹک ریویو کیا۔