ہنوئی: طاقتور سمندری طوفان یاگی نے ویتنام پہنچ کر وسیع پیمانے پر تباہی مچا دی، درجنوں افراد ہلاک جبکہ متعدد لاپتہ ہو گئے۔
غیر ملکی میڈیا کی رپورٹس کے مطابق ویتنامی حکام کا کہنا تھا کہ شمالی ویتنام میں طوفان سے مختلف حادثات میں ہلاکتوں کی تعداد 35 ہو گئی ہے جبکہ 24 افراد لاپتہ ہیں جن کی تلاش جاری ہے۔
ویتنام کے محکمہ موسمیات نے ملک کے متاثرہ علاقوں میں سیلاب اور لینڈ سلائیڈنگ کی وارننگ جاری کی ہے۔واضح رہے اس سے قبل سمندری طوفان سے چین میں 4 اور فلپائن میں 20 افراد ہلاک ہوئے تھے۔
سمندری طوفان یاگی کی ویتنام میں تباہی ،35شہری جاں بحق
