راولپنڈی: خیبر پختونخوا کے ضلع شمالی اور جنوبی وزیرستان میں سیکیورٹی فورسز نے خفیہ اطلاع پر کارروائی کر کے فائرنگ کے تبادلے کے بعد 12 خوراج کو ہلاک کردیا۔
پاک فوج کے شعبہ تعلقات عامہ(آئی ایس پی آر) کے مطابق 19 ستمبر کو 7 دہشتگردوں کے گروپ نے سرحد پر دراندازی کی کوشش کی، سیکیورٹی فورسز نے شمالی وزیرستان کے ضلع اسپن وام میں دراندازوں کو گھیر لیا، شدید فائرنگ کے تبادلے کے بعد ساتوں در انداز خوارج ہلاک کردیے گئے۔
آئی ایس پی آر نے بتایا کہ ہلاک خوارج سے بھاری مقدار میں اسلحہ، گولہ بارود اور دھماکہ خیز مواد برآمد ہوا۔ترجمان پاک فوج نے بتایا کہ ادھر جنوبی وزیرستان کے ضلع لدھا میں خوارج کے ایک گروپ نے سیکیورٹی فورسز کی چوکی پر حملہ کیا، جوانوں نے دلیری سے مقابلہ کرتے ہوئے دراندازی کی کوشش کو ناکام بنا دیا اور اس دوران 5 خوارج ہلاک کردیے۔
شمالی، جنوبی وزیرستان میں کارروائی، 12 خوارج ہلاک
