پی ٹی ایم پر پابندی کی وجہ پاکستان دشمن سرگرمیاں: وزیر اطلاعات

اسلام آباد: وفاقی وزیر اطلاعات و نشریات عطا تارڑ نے کہا ہے کہ پشتون تحفظ موومنٹ (پی ٹی ایم) نے قومی پرچم نذر آتش کیا، بیرون ملک پاکستانی سفارتخانوں پر حملہ کیا جس کی وجہ سے اس پر پابندی لگائی،پشتون تحفظ موومنٹ کی گزشتہ چھ ماہ کی سرگرمیاں ملک کے خلاف رہیں۔
پریس کانفرنس سے خطاب کرتے ہوئے انہوں نے کہا کہ دہشت گرد تنظیموں سے رابطوں کی بنیاد پر پی ڈی ایم پر پابندی کا فیصلہ کیا گیا۔انہوں نے کہا کہ ملک میں ہر طرح کی آزادی ہے، تنقید کریں، مخالفت کریں، کسی قسم کی کوئی قدغن نہیں ہے لیکن اگر آپ پاکستان کے جھنڈے کو نذر آتش کرنے کی بات کریں گے، سفارتخانوں پر حملوں کی کوشش کریں گے، یا آپ دہشت گرد تنظیموں کے ساتھ رابطے رکھیں گے، اور بھی سیاسی جماعتیں پی ٹی ایم کی سپورٹ میں اٹھ آئی ہیں۔
انہوںنے کہاکہ پیغام صرف ہے کہ جب کسی بھی تنظیم کو کالعدم قرار دیا جاتا ہے تو شواہد کی بنیاد پر قرار دیا جاتا ہے، اس کے اندر اور شواہد دیکھے جاتے ہیں کہ دہشت گردی کے لیے مالی معاونت تو نہیں ہے، فنڈنگ کہاں سے ہو رہی ہے، فنڈنگ کے ذرائع اور مقاصد کیا ہیں، پاکستانی ریاست کے خلاف ایک بیانیہ بنایا جا رہا ہے، اس کی اجازت نہیں ہے۔
انہوںنے کہاکہ جو پارٹی پی ٹی ایم کے ساتھ کسی سرگرمی میں شریک ہوگی، یہ ان کے لیے بھی ایک وارننگ ہے کہ یہ ای کالعدم تنظیم ہے۔ کسی کو ملک کو عدم استحکام کا شکار کرنے کی کسی کو اجازت نہیں دی جائے گی، کسی تنظیم پر پابندی ٹھوس شواہد کی بنیاد پر لگائی جاتی ہے، ابھی بھی وقت ہے کہ قومی دھارے میں واپس آئیں اور ملک کی سالمیت کے لیے کام کریں۔
عطا تارڑ نے کہا کہ فلسطین کے معاملے پر آل پارٹیز کانفرنس ہوئی، تحریک انصاف میں اس نے شرکت نہیں کی، امریکا میں بیٹھے ان کے ایک لیڈر نے کہا کہ ہم نے اس میں شرکت نہیں کرنی، کیوں حصہ نہیں لینا، آپ زیک گولڈ اسمتھ کی مہم چلا سکتے ہیں، یعنی آپ کا اپنا مقصد، آپ کا این آر او، آپ کا سیاسی لیڈر اتنا بڑا ہے کہ فلسطین کی اے پی سی میں شریک نہیں ہوتے۔