پیرس اولمپکس 2024 کے گولڈ میڈلسٹ ارشد ندیم نے کہا ہے کہ وہ اولمپک ریکارڈ قائم کر چکے ہیں، اب ان کا مقصد ورلڈ ریکارڈ بنانا ہے۔
انہوں نے نجی ٹی وی سے گفتگو کرتے ہوئے کہا کہ 4 ماہ کے وقفے کے بعد ٹریننگ دوبارہ شروع کر دی ہے، جس میں وہ فٹنس پر خصوصی توجہ دے رہے ہیں۔ ارشد ندیم نے مزید کہا کہ وہ جلد ہی بھرپور پریکٹس شروع کر دیں گے۔
ارشد کا کہنا ہے کہ آئندہ سال کئی اہم ایونٹس ہوں گے جن میں وہ بھرپور تیاری کے ساتھ حصہ لیں گے اور 2025 میں بھی کامیابی حاصل کرنے کا ارادہ رکھتے ہیں۔ وہ ایشین ایتھلیٹکس، ڈائمنڈ لیگ اور ورلڈ ایتھلیٹکس چیمپئن شپ میں بھی حصہ لیں گے۔
دوسری طرف، ارشد ندیم کے کوچ سلمان اقبال بٹ نے کہا کہ ارشد کی کنڈیشننگ سیشن جاری ہے اور ان کے مسلز کو مضبوط کرنے پر کام ہو رہا ہے۔