لاہور (خصوصی رپورٹ: غلام مرتضیٰ) معروف ٹک ٹاک اسٹار اور سوشل میڈیا انفلوئنسر سامعہ حجاب نے رمضان المبارک کے بابرکت مہینے میں عمرہ ادا کر لیا، جس کی تصاویر اور ویڈیوز سوشل میڈیا پر تیزی سے وائرل ہو رہی ہیں۔
سامعہ حجاب اپنے قریبی عزیزوں کے ہمراہ سعودی عرب روانہ ہوئیں جہاں انہوں نے عبادت اور روحانی لمحات کو اپنے مداحوں کے ساتھ شیئر کیا۔ ان کے انسٹاگرام اکاؤنٹ پر پوسٹ کی گئی تصاویر میں انہیں مسجد الحرام کے قریب دیکھا جا سکتا ہے، جہاں وہ عقیدت و احترام کے ساتھ عبادت میں مصروف ہیں۔
ماضی میں اپنی وائرل ویڈیوز اور سابقہ منگیتر کے ساتھ قانونی تنازعات کے باعث خبروں میں رہنے والی سامعہ حجاب نے اس بار ایک مختلف پہلو پیش کیا۔ انہوں نے لکھا کہ زندگی میں دل اور روح کا سکون تلاش کرنے کے لیے یہ سفر اختیار کیا۔ ان کے مطابق انہوں نے سکون کی تلاش میں نئے دوست بنائے اور اپنی عادات بدلنے کی کوشش کی، مگر اصل اطمینان انہیں مکہ
مکرمہ میں حاضری کے بعد حاصل ہوا۔
View this post on Instagram
سامعہ نے اپنے ہمراہ موجود افراد کی تصاویر بھی شیئر کیں، جن میں ایک خاص شخصیت کی تصویر نمایاں تھی، تاہم اس شخص کا چہرہ دھندلا رکھا گیا۔ اس اقدام نے سوشل میڈیا صارفین میں تجسس پیدا کر دیا ہے۔
مداحوں کی جانب سے سامعہ کے اس روحانی سفر پر ملے جلے ردعمل سامنے آئے۔ متعدد فالوورز نے ان کے لیے نیک خواہشات اور دعاؤں کا اظہار کیا جبکہ کچھ صارفین نے تصاویر اور ویڈیوز پر جذباتی تبصرے بھی کیے۔
روزنامہ تحریک کے سینئر صحافی غلام مرتضیٰ نے اس حوالے سے کہا کہ سوشل میڈیا کی دنیا میں شہرت پانے والی شخصیات جب روحانی سفر اختیار کرتی ہیں تو یہ پیغام ملتا ہے کہ شہرت اور کامیابی کے باوجود انسان کے اندر سکون کی تلاش باقی رہتی ہے۔ ان کے مطابق ایسے لمحات نہ صرف ذاتی تبدیلی کا باعث بنتے ہیں بلکہ نوجوانوں کے لیے بھی مثبت پیغام چھوڑتے ہیں کہ اصل سکون روحانیت اور ایمان میں مضمر ہے۔
