کراچی: (خصوصی رپورٹ: غلام مرتضیٰ)پاکستان سپر لیگ (پی ایس ایل) کے اہم میچ میں Islamabad United نے Lahore Qalandars کے خلاف ٹاس جیت کر پہلے بولنگ کرنے کا فیصلہ کیا ہے۔
تفصیلات کے مطابق نیشنل اسٹیڈیم کراچی میں کھیلے جا رہے میچ میں اسلام آباد یونائیٹڈ کے کپتان Shadab Khan نے ٹاس کے موقع پر کہا کہ پچ آسٹریلوی مٹی سے بنی ہے جس کے رویے کے بارے میں زیادہ اندازہ نہیں، اس لیے پہلے بولنگ کو ترجیح دی گئی ہے۔
انہوں نے کہا کہ پچ پر موجود گھاس کی وجہ سے میچ کے ابتدائی اوورز میں گیند سوئنگ ہونے کا امکان ہے جبکہ آج کی وکٹ گزشتہ روز کے مقابلے میں مختلف ہو سکتی ہے۔
دوسری جانب لاہور قلندرز کے کپتان Shaheen Shah Afridi نے بتایا کہ ٹیم میں ایک تبدیلی کی گئی ہے۔
ان کے مطابق پرویز حسین ایمون انجری کے باعث میچ نہیں کھیل رہے اور ان کی جگہ رائن برل کو ٹیم میں شامل کیا گیا ہے۔
شاہین آفریدی کا کہنا تھا کہ ٹیم میں جو بھی کھلاڑی شامل ہوتا ہے وہ کارکردگی دکھاتا ہے، کسی ایک کھلاڑی کی کمی محسوس نہیں ہوتی، تاہم Fakhar Zaman ٹیم کے اہم کھلاڑی ہیں اور ان کی واپسی سے ٹیم مزید مضبوط ہوگی۔
