لاہور قلندرز کی شاندار جیت، تیسرا ٹائٹل اپنے نام کر لیا

قذافی اسٹیڈیم لاہور میں پاکستان سپر لیگ (پی ایس ایل) سیزن 10 کا فائنل سنسنی خیز مقابلے کے بعد لاہور قلندرز نے 6 وکٹوں سے جیت لیا، یوں وہ تیسری مرتبہ چیمپئن بننے کا اعزاز حاصل کرنے میں کامیاب رہے۔گلیڈی ایٹرز کی اننگز:کوئٹہ گلیڈی ایٹرز کے کپتان سعود شکیل نے ٹاس جیت کر بیٹنگ کا فیصلہ کیا اور ان کی ٹیم نے مقررہ 20 اوورز میں 9 وکٹوں کے نقصان پر 201 رنز اسکور کیے۔محمد نواز نے شاندار بیٹنگ کا مظاہرہ کرتے ہوئے 43 گیندوں پر 76 رنز بنائے، جس میں 4 چھکے اور 8 چوکے شامل تھے۔شاہین شاہ آفریدی نے 3 کھلاڑیوں کو آؤٹ کیا، جبکہ سلمان مرزا اور حارث رؤف نے 2،2 وکٹیں حاصل کیں۔ سکندر رضا اور راشد حسین نے ایک، ایک شکار کیا۔گلیڈی ایٹرز کی اننگز میں سعود شکیل (4 رنز)، ایلن (12)، روسو (22)، فرنانڈو (29)، حسن نواز (76) نمایاں رہے، جبکہ اختتامی اوورز میں وکٹیں تیزی سے گریں اور ٹیم 201 رنز پر محدود ہو گئی۔قلندرز کی اننگز:ہدف کے تعاقب میں لاہور قلندرز نے عمدہ بیٹنگ کا مظاہرہ کیا۔ فخر زمان (11) جلد آؤٹ ہوئے، تاہم محمد نعیم نے 27 گیندوں پر 47 رنز کی برق رفتار اننگز کھیل کر بنیاد فراہم کی۔کوشال پریرا 62 رنز پر ناقابل شکست رہے جبکہ سکندر رضا نے صرف 7 گیندوں پر 22 رنز کی میچ وننگ اننگز کھیل کر ٹیم کو فتح دلوائی۔لاہور نے 202 رنز کا ہدف آخری اوور کی پانچویں گیند پر 4 وکٹوں کے نقصان پر حاصل کرلیا۔اہم لمحات:میچ کا پانسہ آخری دو اوورز میں پلٹا، جب محمد عامر نے 18 رنز دیے اور فہیم اشرف بھی مہنگے ثابت ہوئے۔سکندر رضا نے پریشر میں چوکا اور چھکا لگا کر میچ لاہور کے حق میں کر دیا۔کوشال پریرا کی میچ میں ناقابل شکست اننگز نے کلیدی کردار ادا کیا۔وکٹیں حاصل کرنے والے گیند باز:گلیڈی ایٹرز کی جانب سے محمد عامر، فہیم اشرف، ابرار احمد اور اسامہ طارق نے ایک ایک وکٹ حاصل کی۔اسکواڈز:کوئٹہ گلیڈی ایٹرز:سعود شکیل (کپتان)، فن الین، رلی روسو، حسن نواز، اویشکا فرنانڈو، دنیش چندیمال، فہیم اشرف، محمد وسیم، محمد عامر، اسامہ طارق، ابرار احمدلاہور قلندرز:فخر زمان، محمد نعیم، عبداللہ شفیق، کوشال پریرا، راجا پاکسا، آصف علی، شاہین شاہ آفریدی (کپتان)، شکیب الحسن، راشد حسین، حارث رؤف، سلمان مرزا، جہاں داد خان، زمان خان، محمد اخلاق، ڈیرل مچل، محمد آزاب، آصف آفریدی