چائے کا استعمال تقریباً 5000 سال سے انسانی زندگی کا حصہ ہے، اور یہ پانی کے بعد دنیا میں سب سے زیادہ استعمال ہونے والا مشروب ہے۔ خاص طور پر کالی چائے کے فوائد صحت کے کئی پہلوؤں کو بہتر بنانے میں مددگار ثابت ہو سکتے ہیں۔
کالی چائے دل کی صحت کے لیے نہایت فائدہ مند ہے۔ اس میں Theaflavins موجود ہوتے ہیں، جو خون میں کولیسٹرول کی سطح کم کرنے میں مددگار ثابت ہوتے ہیں۔ اس کے علاوہ، اس میں flavonoids بھی شامل ہیں، وہی اینٹی آکسیڈنٹس جو ڈارک چاکلیٹ اور خشک میوہ جات میں پائے جاتے ہیں، جو دل کی بیماریوں کے خطرے کو تقریباً 8 فیصد تک کم کرتے ہیں۔
دماغ کو خون کی فراہمی میں رکاوٹ فالج کی بڑی وجہ ہے، جو دنیا بھر میں اموات کی دوسری سب سے بڑی وجہ ہے۔ کالی چائے کا استعمال فالج کے خطرے کو کم کرنے میں مددگار ثابت ہو سکتا ہے۔
دیگر اقسام کی چائے کے مقابلے میں، کالی چائے میں کیفین کی مقدار زیادہ ہوتی ہے، جو کہ کافی کے نصف کے برابر ہوتی ہے۔ اس کے ساتھ، یہ L-theanine نامی امینو ایسڈ بھی فراہم کرتی ہے، جو دماغی ہوشیاری اور توجہ مرکوز کرنے کی صلاحیت کو بہتر بناتا ہے۔
بغیر چینی کے کالی چائے پینا خون میں گلوکوز کی سطح کم کرنے اور جسم کے شوگر کنٹرول کے نظام کو بہتر بنانے میں مدد دیتا ہے۔
کئی دہائیوں کی تحقیق کے بعد، ماہرین نے پایا ہے کہ کالی چائے میں موجود پولیفینولز بعض اقسام کے کینسر سے لڑنے میں کردار ادا کر سکتے ہیں۔
کالی چائے کے یہ فوائد اسے صحت مند طرزِ زندگی کا ایک اہم حصہ بناتے ہیں، جو نہ صرف جسمانی بلکہ ذہنی صحت کو بھی بہتر بنا سکتے ہیں۔
