منہاج یونیورسٹی لاہور:CRIMAکے زیر اہتمام پلاسٹک ویسٹ مینجمنٹ پر آگاہی سیمینار
لاہور:سنٹر آف ریسرچ اینڈ انوویشن ان میری ٹائم افئیرز (CRIMA) منہاج یونیورسٹی لاہور اور ’’Plastech‘‘ کے اشتراک سے گزشتہ روز ’’Sustainable Plastic Waste Management‘‘ کے موضوع پر سیمینار منعقد کیا گیا ۔سیمینار کا مقصد پلاسٹک ویسٹ کے ماحولیاتی اثرات کو کم کرنے اور اس کا پائیدار حل تلاش کرنے کے لیے شعور بیدار کرنا تھا۔
سیمینار میں منہاج یونیورسٹی کے وائس چانسلر پروفیسر ڈاکٹر ساجد محمود شہزاد نے بطورِ مہمانِ خصوصی شرکت کی اور خطاب کرتے ہوئے کہا کہ پلاسٹک ویسٹ کی موثر مینجمنٹ وقت کی اہم ضرورت ہے۔ انہوں نے کہا کہ ماحولیاتی مسائل کے حل کے لیے تحقیق اور انوویشن کا کردار کلیدی ہے اور منہاج یونیورسٹی اس مقصد کے
لیے اہم اقدامات کر رہی ہے۔
ماہر ماحولیات اور آرکیٹیکٹ سعید احمد چیمہ نے سیمینار سے خطاب کرتے ہوئے کہا کہ پلاسٹک ویسٹ کو ری سائیکل کرنے اور اس کے دوبارہ استعمال کو فروغ دینے کے لیے عوامی اور نجی شعبے کو مل کر کام کرنا ہوگا۔ انہوں نے کہا کہ عوام کو چاہیے کہ اشیائے خورونوش خریدتے وقت پلاسٹک بیگز کو استعمال کرکے باہر پھینکنے کی بجائے ان کو ایک بڑے بیگز میں ڈال کر علیحدہ رکھیں اور اس کو مناسب طریقے سے ٹھکانے لگائیں ڈائریکٹر (CRIMA) نے سیمینار کے آغاز میں سنٹر کا تعارف پیش کرتے ہوئے بتایا کہ CRIMA میری ٹائم افئیرز کے مختلف پہلوؤں پر تحقیق کر رہا ہے اور اس سیمینار کا انعقاد پلاسٹک ویسٹ مینجمنٹ جیسے حساس موضوع پر شعور اجاگر کرنے کی ایک کاوش ہے۔
سیمینار میں ڈپٹی ڈائریکٹر CRIMA محمد خاور ، ڈاکٹر وقاصیہ نعیم رابعہ شفیق، اور اقراء منظور سمیت منہاج یونیورسٹی کے مختلف تعلیمی شعبہ جات کے اساتذہ اور طلبہ کی کثیر تعداد نے شرکت کی ۔ سیمینار کے اختتام پر سوال و جواب کا سیشن ہوا جس میں شرکاء نے گیسٹ سپیکر سعید احمد چیمہ سے پلاسٹک ویسٹ کے حل کے حوالے سے مختلف سوالات کیے۔
