ریل گاڑی سفر کا ایک انتہائی سستا اور آسان ذریعہ ہے، جو دہائیوں سے دنیا بھر میں استعمال ہو رہا ہے۔ وقت کے ساتھ ساتھ، اس نظام کو جدید تقاضوں کے مطابق مزید سہولیات فراہم کی جا رہی ہیں۔
جہاں تک دنیا کے سب سے بڑے ریلوے پلیٹ فارم کا تعلق ہے، بھارتی ریاست کرناٹک کے ہُبالی ریلوے اسٹیشن کے پاس یہ اعزاز موجود ہے، وہیں دنیا کے سب سے بڑے ریلوے اسٹیشن کا لقب امریکا کے پاس ہے۔
نیو یارک شہر میں واقع گرینڈ سینٹرل ٹرمینل، جو 1903 سے 1913 کے درمیان تعمیر کیا گیا تھا، اس کا رقبہ 48 ایکڑ ہے۔ یہاں بیک وقت 44 ٹرینیں کھڑی ہونے کی گنجائش موجود ہے۔
یہ ریلوے اسٹیشن 44 پلیٹ فارمز اور 67 ٹرک کا حامل ہے، جو کہ دو زیر زمین سطحوں میں تقسیم ہے۔ ان میں سے 26 ٹرک زیر زمین ہیں جبکہ 41 ٹرک اوپر کی سطح پر واقع ہیں۔
اس اسٹیشن کی خاص بات یہ ہے کہ یہاں ایک خفیہ پلیٹ فارم بھی موجود ہے، جو اسے مزید دلچسپ بناتا ہے۔ یہ خفیہ پلیٹ فارم Waldorf Astoria Hotel کے نیچے واقع ہے، جسے سابق امریکی صدر فرینکلن روزویلٹ استعمال کرتے تھے۔ یہ پلیٹ فارم عوام کے لیے کبھی بھی کھولا نہیں گیا۔
