اسلام آباد:پیکا ایکٹ میں ترامیم کو سپریم کورٹ میں چیلنج کر دیا گیا ہے۔
تفصیلات کے مطابق، شہری قیوم خان نے عدالت میں درخواست دائر کی ہے جس میں پیکا ایکٹ میں کی گئی ترامیم کو کالعدم قرار دینے کی استدعا کی گئی ہے۔
درخواست گزار نے عدالت سے فل کورٹ بنانے کی اپیل کرتے ہوئے مؤقف اختیار کیا ہے کہ یہ ترامیم بنیادی حقوق کے خلاف ہیں، اور پارلیمان کو ایسا کوئی قانون بنانے کا اختیار حاصل نہیں جو بنیادی حقوق سے متصادم ہو۔
درخواست میں مزید کہا گیا ہے کہ سپریم کورٹ نہ صرف ترامیم بلکہ اصل پیکا ایکٹ کا بھی بنیادی حقوق کے تناظر میں جائزہ لے اور جعلی اسمبلی و جعلی صدر کی جانب سے رولز بنانے کے عمل کو معطل کرنے کا حکم جاری کرے۔
