لاہور: حکومت پنجاب نے دکانوں، ورکشاپوں اور چھوٹے اداروں میں کام کرنے والے ورکرز کی رجسٹریشن شروع کرنے کا حکم دے دیا ہے۔
تفصیلات کے مطابق وزیراعلیٰ پنجاب مریم نوازشریف سے صوبائی وزیر محنت فیصل ایوب کھوکھر کی ملاقات ہوئی۔
ملاقات کے دوران، وزیراعلیٰ مریم نوازشریف نے صوبائی وزیر محنت کو پنجاب میں دکانوں، ورکشاپوں اور چھوٹے اداروں میں کام کرنے والے ورکرز کی رجسٹریشن شروع کرنے کا حکم دیا۔
ان چھوٹے اداروں میں کام کرنے والے ورکرز کو لیبر ڈیپارٹمنٹ میں رجسٹریشن کے بعد گرانٹس اور دیگر مالی فوائد فراہم کیے جائیں گے۔
وزیراعلیٰ مریم نوازشریف نے کم از کم اجرت کے فیصلے پر عمل نہ کرنے والے اداروں کے خلاف سخت کارروائی کا حکم بھی دیا۔
انہوں نے پنجاب بھر میں دکانوں، پٹرول پمپس اور فیکٹریوں میں کم از کم اجرت کی ادائیگی کو یقینی بنانے کی ہدایت کی اور صوبہ بھر میں لیبر رجسٹریشن بڑھانے کے لیے اقدامات کرنے کا حکم دیا۔
پنجاب میں پہلی بار دکانوں، ورکشاپوں اور چھوٹے صنعتی یونٹس میں کام کرنے والے ورکرز کی رجسٹریشن کی جائے گی۔
وزیراعلیٰ نے انڈسٹریل یونٹس میں لیبر کے لیے بہتر ورکنگ کنڈیشنز فراہم کرنے کی ہدایت دی اور کہا کہ ورکرز کو کام کے لیے صاف ستھرا اور صحت مند ماحول فراہم کیا جائے۔
مریم نوازشریف نے لیبر کے لیے راشن کارڈ پروگرام کا جامع پلان بھی طلب کر لیا۔
دکانوں، ورکشاپوں اور چھوٹے اداروں میں کام کرنے والے ورکرز کی رجسٹریشن شروع کرنے کا حکم
ان چھوٹے اداروں میں کام کرنے والے ورکرز کو لیبر ڈیپارٹمنٹ میں رجسٹریشن کے بعد گرانٹس اور دیگر مالی فوائد فراہم کیے جائیں گے
