لاہور :اسٹیٹ بینک نے عید الفطر کے موقع پر نئے کرنسی نوٹوں کے حصول کے لیے ایس ایم ایس سروس شروع کر دی ہے۔
شہری نئے نوٹ حاصل کرنے کے لیے 8877 پر اپنا شناختی کارڈ نمبر اور قریبی بینک برانچ کا کوڈ ایس ایم ایس کر سکتے ہیں۔ جب نوٹ بینک میں پہنچ جائیں گے تو شہری کو ایس ایم ایس کے ذریعے اطلاع دی جائے گی۔
ایس ایم ایس موصول ہونے کے بعد شہری کو دو دن کے اندر متعلقہ بینک برانچ جانا ہوگا، جہاں وہ اصل شناختی کارڈ کی فوٹو کاپی دکھا کر 10 روپے کے نوٹ کے تین پیکٹ، 50 روپے کے نوٹ کا ایک پیکٹ اور 100 روپے کے نوٹ کا ایک پیکٹ حاصل کر سکتے ہیں۔
یہ سروس ایک شناختی کارڈ اور ایک موبائل نمبر پر صرف ایک مرتبہ دستیاب ہوگی۔ اگر شہریوں کو کسی قسم کی شکایت یا مزید معلومات درکار ہوں تو وہ اسٹیٹ بینک کے ہیلپ لائن نمبر 111-008-877 پر رابطہ کر سکتے ہیں۔
