لاہور: بین الاقوامی فلکیاتی مرکز نے تصدیق کی ہے کہ عرب اور دیگر اسلامی ممالک میں 29 مارچ کو شوال کا چاند دیکھنا ممکن نہیں ہوگا۔
بین الاقوامی فلکیاتی مرکز کے مطابق 29 مارچ کو عید الفطر کا چاند نظر نہ آنے کی وجہ یہ ہے کہ اس دن چاند، سورج غروب ہونے سے پہلے ہی غروب ہو جائے گا، جس کے باعث اسے آنکھ یا دوربین سے بھی دیکھنا ناممکن ہوگا۔ اسی لیے زیادہ تر ممالک میں رمضان کا مہینہ 30 دن کا ہونے کا امکان ہے۔
اس صورتحال کے تحت سعودی عرب، پاکستان اور دیگر اسلامی ممالک میں اس سال عید الفطر ایک ہی دن یعنی 31 مارچ کو منائی جا سکتی ہے۔ تاہم کچھ ممالک جیسے موریتانیہ، مراکش، الجزائر اور تیونس میں 29 مارچ کو جزوی سورج گرہن ہوگا، جس کی وجہ سے وہاں چاند نظر آنے کے روایتی طریقے کے تحت 30 مارچ کو عید منائے جانے کا امکان ہے۔
ادھر پاکستان میں سپارکو نے پہلے ہی پیش گوئی کر دی تھی کہ شوال کا چاند 30 مارچ کو نظر آنے کا امکان ہے، اور ملک بھر میں عید الفطر 31 مارچ 2025 کو منائی جائے گی۔
