بالی ووڈ اسٹار کرینہ کپور نے دبئی میں ’چھمک چھلو‘ گانے پر شاندار ڈانس پرفارمنس دی، جس کی ویڈیو سوشل میڈیا پر وائرل ہو گئی اور مداح ان کی تعریف کر رہے ہیں۔
بالی ووڈ کی بیوٹی کوئین کرینہ کپور کی دبئی میں اپنے مشہور گانے ’چھمک چھلو‘ پر رقص کرنے کی ویڈیو سوشل میڈیا پر تیزی سے وائرل ہو گئی۔ بالی ووڈ اداکارہ کرینہ کپور نے دبئی میں ایک زیورات کے برانڈ کی تقریب میں ’چھمک چھلو‘ گانے پر رقص کر کے مداحوں کو خوشگوار حیرت میں ڈال دیا۔ یہ گانا 2011 کی کرینہ اور شاہ رُخ خان کی فلم ’راون‘ کا ہے، جو آج بھی بہت مقبول ہے۔
کرینہ نے اس موقع پر آسمانی رنگ کا خوبصورت لباس پہن رکھا تھا، جس کی وجہ سے وہ سب کی توجہ کا مرکز بنی رہی، اور اپنے ڈانس سے انہوں نے تقریب کو اور بھی یادگار بنا دیا۔ سوشل میڈیا پر ان کی ویڈیو کو بہت پسند کیا جا رہا ہے، اور مداح ان کی تعریف کر رہے ہیں۔ یاد رہے کہ کرینہ آخری بار فلم ’سنگھم اگین‘ میں نظر آئیں، جس میں اجے دیوگن، رنویر سنگھ، دیپیکا پڈوکون، اور دیگر بڑے اسٹارز بھی شامل تھے۔ کہا جا رہا ہے کہ کرینہ جلد پرتھوی راج سکھمارن کے ساتھ میگھنا گلزار کی فلم ’دائرہ‘ میں کام کر سکتی ہیں، لیکن اس کا باضابطہ اعلان ابھی تک نہیں ہوا۔
