عالمی جوہری توانائی ایجنسی کے 35 رکنی بورڈ آف گورنرز کے اجلاس میں ایران کے خلاف قرارداد کی منظوری دی گئی۔ یہ قرارداد امریکا، برطانیہ، فرانس اور جرمنی کی جانب سے پیش کی گئی تھی، جبکہ اجلاس کے دوران چین، روس اور برکینا فاسو نے اس کی مخالفت میں ووٹ دیا۔
قرارداد میں ایران سے مطالبہ کیا گیا ہے کہ وہ جوہری توانائی ایجنسی کے ساتھ مکمل تعاون کرے۔ اجلاس میں شامل سفارت کاروں کے مطابق، اس قرارداد کا مقصد ایران پر نئی جوہری پابندیوں کے حوالے سے مذاکرات کے لیے دباؤ ڈالنا ہے۔
ایران پر دباؤ بڑھانے کی حکمت عملی، چین اور روس کی مخالفت واضح
ذرائع کا کہنا ہے کہ قرارداد کے ذریعے ایران کو اپنے جوہری پروگرام کے حوالے سے مزید شفافیت اختیار کرنے پر مجبور کیا جا رہا ہے۔ چین اور روس نے اس قرارداد کی مخالفت کرتے ہوئے اسے غیر ضروری دباؤ ڈالنے کی کوشش قرار دیا
