پاکستان کرکٹ ٹیم نے جنوبی افریقا کے خلاف سیریز کے آخری اور تیسرے ٹی 20 میچ کے لیے پلیئنگ الیون میں تبدیلی کی ہے۔
پاکستان کرکٹ بورڈ (پی سی بی) نے تیسرے ٹی 20 کے لیے قومی ٹیم کی نئی پلیئنگ الیون کا اعلان کر دیا ہے، جس میں عثمان خان کو ڈراپ کرکے سلمان علی آغا کو شامل کیا گیا ہے۔
پلیئنگ الیون میں کپتان محمد رضوان، بابر اعظم، صائم ایوب، طیب طاہر، عرفان خان، عباس آفریدی، شاہین آفریدی، حارث رئوف، جہاں داد خان اور ابرار احمد شامل ہیں۔
واضح رہے کہ تیسرے اور آخری میچ کا آغاز پاکستان کے وقت کے مطابق رات 9 بجے ہوگا۔
یاد رہے کہ پہلے دو ٹی 20 میچز میں جنوبی افریقا نے پاکستان کو شکست دے کر سیریز اپنے نام کر لی ہے۔ دوسرے ٹی 20 میچ میں پروٹیز نے 207 رنز کا ہدف 3 گیندوں پر پورا کر کے پاکستان کو 7 وکٹوں سے شکست دی تھی۔
