آئی ایس پی آر نے نیا نغمہ ’’دشمناسُن‘‘ریلیز کردیا

اسلام آباد: پاک فوج کے شعبہ تعلقات عامہ (آئی ایس پی آر) نے آپریشن سوئفٹ ریٹارٹ کے چھ سال مکمل ہونے پر ملی نغمہ ’’دشمناسُن‘‘جاری کر دیا۔

تفصیلات کے مطابق آئی ایس پی آر کے بیان میں کہا گیا کہ یہ نغمہ پاکستانی بہادر سپوتوں کی جانب سے ملکی دفاع کے عہد و پیمان کی عکاسی کرتا ہے۔ 27 فروری 2019ء ملکی تاریخ میں ایک یادگار دن ہے جو مسلح افواج کی پیشہ ورانہ مہارت اور پاکستانی قوم کے عزم کی علامت ہے۔
ترجمان پاک فوج کے مطابق، پاک فضائیہ نے 27 فروری کو بھارتی سرحدی خلاف ورزی کو ناکام بناتے ہوئے 2 بھارتی لڑاکا طیارے مار گرائے تھے۔ اس آپریشن کے دوران بھارتی پائلٹ ابھی نندن کو بھی گرفتار کیا گیا، جسے بعد میں پاکستان نے خیرسگالی کے تحت رہا کر دیا۔
آئی ایس پی آر کے مطابق 27 فروری کا دن اس عزم کی یاد دلاتا ہے کہ ملکی خودمختاری پر کوئی آنچ نہیں آنے دی جائے گی اور کسی بھی جارحیت کا دندان شکن جواب دیا جائے گا۔
نغمے کی شاعری احمد عظیم نے لکھی ہے۔ اس نغمے کو کامران اللہ خان نے گایا اور کمپوز کیا ہے۔