لاہور: پاکستان تحریک انصاف (پی ٹی آئی) نے 22 مارچ کو مینار پاکستان پر جلسے کی اجازت کے لیے لاہور ہائیکورٹ سے رجوع کر لیا ہے۔
تفصیلات کے مطابق پی ٹی آئی رہنما اکمل خان باری نے لاہور ہائیکورٹ میں درخواست دائر کی ہے، جس میں چیف سیکرٹری پنجاب، ڈپٹی کمشنر لاہور سمیت دیگر حکام کو فریق بنایا گیا ہے۔
درخواست میں مؤقف اختیار کیا گیا ہے کہ پی ٹی آئی 22 مارچ کو شام 8 بجے سے رات 12 بجے تک مینار پاکستان پر جلسہ کرنا چاہتی ہے، جو کہ آئینی حق ہے۔ تاہم، انتظامیہ کی جانب سے جلسے کی درخواست پر کوئی فیصلہ نہیں کیا جا رہا، جسے سیاسی انتقام قرار دیا گیا ہے۔
درخواست گزار نے عدالت سے استدعا کی ہے کہ ڈپٹی کمشنر لاہور سمیت دیگر حکام کو درخواست پر فوری فیصلہ کرنے اور 22 مارچ کو جلسے کی اجازت دینے کا حکم دیا جائے۔
