ملک بھر میں سردی کی شدت، ہنزہ میں پارہ منفی 18 تک گر گیا
اسلام آباد :ملک کے بیشتر حصوں میں موسم سرد اور خشک ہے، جب کہ پہاڑی علاقوں میں برف باری کے باعث سردی کی شدت مزید بڑھ گئی ہے۔
بین الاقوامی موسمیاتی ویب سائٹ کے مطابق گزشتہ رات کراچی میں کم سے کم درجہ حرارت 14 ڈگری سینٹی گریڈ ریکارڈ کیا گیا۔ رپورٹ کے مطابق ہنزہ میں درجہ حرارت منفی 18، استور میں منفی 17 ڈگری تک گر گیا، جب کہ اسکردو میں پارہ منفی 10 اور کوئٹہ میں ایک ڈگری سینٹی گریڈ ریکارڈ کیا گیا۔
پنجاب کے مختلف شہروں میں بھی شدید سردی کی لہر برقرار ہے۔ لاہور سمیت اسلام آباد اور راولپنڈی میں درجہ حرارت 4 ڈگری سینٹی گریڈ تک گر گیا، جب کہ لاہور اور پشاور میں درجہ حرارت 7 ڈگری سینٹی گریڈ ریکارڈ کیا گیا۔
