کیلے میں فائبر اور کھانے کو ہضم کرنے کی خصوصیات قدرتی طور پر موجود ہیں۔ اکثر لوگ پھلوں جیسے سیب اور امرود کے ساتھ کالا نمک، لیموں یا کالی مرچ استعمال کرتے ہیں تاکہ ان کا ذائقہ بڑھ سکے۔
لیکن کیا آپ نے کبھی نہار منہ کیلا کالی مرچ کے ساتھ کھایا ہے؟ اگر نہیں، تو اس کے فوائد جان کر آپ ضرور اسے آزمانا چاہیں گے۔
کیلا فائبر سے بھرپور ہوتا ہے، جو کھانے کو جلدی ہضم کرنے میں مدد دیتا ہے۔ کالی مرچ پیٹ میں گیسٹک جوس کو فعال کرتی ہے، جس سے کھانا بہتر ہضم ہوتا ہے۔ اگر آپ دونوں کو ایک ساتھ کھائیں تو یہ آپ کے معدے کے لیے بہترین ثابت ہو سکتا ہے۔
کیلے میں وٹامن سی اور اینٹی آکسیڈنٹس ہوتے ہیں، جو جسم کی قوت مدافعت کو مضبوط بناتے ہیں۔ ساتھ ہی، کالی مرچ فنگل انفیکشن کے خلاف لڑنے میں مدد فراہم کرتی ہے۔
اگر آپ قبض کے مسئلے کا شکار ہیں تو نہار منہ کیلا کالی مرچ کے ساتھ کھائیں۔ یہ آپ کے نظام ہاضمہ کو بہتر بناتے ہوئے قبض کو ختم کر سکتا ہے۔
کیلا کھانے کے بعد بھوک کم لگتی ہے، کیونکہ یہ معدے کو بھرپور رکھتا ہے، جو وزن کم کرنے میں مددگار ہوتا ہے۔ دوسری جانب، کالی مرچ میٹابولزم کو تیز کرتی ہے، جس کی وجہ سے جسم سے چربی جلدی ختم ہوتی ہے۔
کیلے اور کالی مرچ کا یہ منفرد امتزاج آپ کی صحت کے لیے فائدہ مند ہو سکتا ہے، خاص طور پر اگر آپ اسے نہار منہ استعمال کریں۔
