سعودی عرب کی مشہور گھڑسوار خاتون شہد الشمری کی ایک ویڈیو سوشل میڈیا پر وائرل ہو گئی ہے، جس میں وہ گھوڑے پر سوار ہو کر ایک دواخانے کی سیر کر رہی ہیں۔ ویڈیو میں شہد کو فارمیسی کے راہداریوں میں گھومتے ہوئے دکھایا گیا ہے، جہاں وہ شیلف پر موجود مصنوعات کی جانچ پڑتال کر رہی ہیں اور اشیاء جمع کر رہی ہیں، جبکہ ایک شخص ان کی اس انوکھی شاپنگ کا منظر فلماتا جا رہا ہے۔
اس ویڈیو کے مقام اور وقت کے بارے میں ابھی تک کوئی واضح معلومات نہیں مل سکیں۔
شہد الشمری، جنہیں ان کے مداح "سعودی گھڑ سوار شہد” کے لقب سے جانتے ہیں، 20 سال کی عمر کی ہیں اور سعودی عرب کی سب سے نمایاں خواتین گھڑ سواروں میں شمار کی جاتی ہیں۔ ان کی گھڑ سواری کی مہارت اور اعتماد کی وجہ سے وہ سوشل میڈیا پر کافی مقبول ہیں اور اپنی سواری کی ویڈیوز باقاعدگی سے شیئر کرتی ہیں۔
شہد کا گھوڑوں کے ساتھ شوق بچپن سے ہی تھا اور انہوں نے سخت تربیت حاصل کر کے اس میں مہارت حاصل کی۔ ان کی محنت اور لگن نے انہیں مختلف مقامی اور علاقائی مقابلوں میں حصہ لینے کے قابل بنایا ہے۔
