نیویارک: اقوام متحدہ کے تعاون سے جاری ہونے والی عالمی خوشی رپورٹ 2025 کے مطابق فن لینڈ مسلسل آٹھویں بار دنیا کا خوش ترین ملک قرار پایا ہے۔
رپورٹ کے مطابق پاکستان کی درجہ بندی میں ایک درجے کی کمی ہوئی ہے۔ گزشتہ سال پاکستان 108 ویں نمبر پر تھا، مگر اس سال یہ 109 ویں نمبر پر آگیا ہے۔ دوسری جانب بھارت نے اپنی پوزیشن میں نمایاں بہتری لاتے ہوئے 126 ویں سے 118 ویں نمبر پر جگہ بنا لی ہے۔
دنیا کے 10 خوش ترین ممالک یہ ہیں:
فن لینڈ
ڈنمارک
آئس لینڈ
سوئیڈن
نیدرلینڈز
کوسٹا ریکا
ناروے
اسرائیل
لکسمبرگ
میکسیکو
رپورٹ میں افغانستان کو دنیا کا سب سے ناخوش ملک قرار دیا گیا ہے، جو 147 ویں نمبر پر ہے۔ اس کے بعد سیرالیون 146 ویں، لبنان 145 ویں، مالاوی 144 ویں اور زمبابوے 143 ویں نمبر پر موجود ہیں۔
عالمی خوشی رپورٹ میں 140 سے زائد ممالک کے لوگوں سے 2022 سے 2024 کے دوران کیے گئے عالمی سروے کے ڈیٹا کا تجزیہ کیا گیا۔ درجہ بندی کے لیے فی کس آمدنی، متوقع زندگی، سماجی مدد، آزادی، سخاوت اور کرپشن جیسے عوامل کو مدنظر رکھا گیا ہے۔
