میاں عبدالقادر تحریک منہاج القرآن کی سوشل میڈیا ورکنگ کونسل کے ہیڈ مقرر

لاہور:تحریک منہاج القرآن کے راہ نما، فہم دین پراجیکٹ کے کوآرڈینیٹر میاں عبدالقادر کو منہاج القرآن سوشل میڈیا ورکنگ کونسل کا ہیڈ مقرر کیا گیا ہے جس کا نوٹیفکیشن ناظم اعلیٰ خرم نواز گنڈاپور نے جاری کر دیا۔ نائب ناظم اعلیٰ میڈیا افیئرز نوراللہ صدیقی، ڈائریکٹر سوشل میڈیا عبدالستار منہاجین اور نائب ناظمین اعلیٰ نے انہیں مبارکباد دی۔ خرم نواز گنڈاپور نے کہا کہ سوشل میڈیا اس دور کا برق رفتار ذریعہ ابلاغ ہے۔ فروغ امن، اتحاد بین المسلمین، بین المذاہب رواداری کے فروغ اور انتہا پسندی کے لئے سوشل میڈیا کا کردار اہم ہے۔ انہوں نے کہا کہ شیخ الاسلام ڈاکٹر محمد طاہرالقادری فی زمانہ اتحاد اُمت اور فروغ امن کی سب سے مضبوط اور توانا آواز ہیں۔ منہاج القرآن سوشل میڈیا کے ایکٹیوسٹس اسلام اور پاکستان کے ترجمان بنیں۔