حامد رضا پی ٹی آئی کی سیاسی اور کور کمیٹی سے مستعفی، قومی اسمبلی سے بھی استعفیٰ کا ارادہ

حامد رضا پی ٹی آئی کی سیاسی اور کور کمیٹی سے مستعفی، قومی اسمبلی سے بھی استعفیٰ کا ارادہ

اسلام آباد: سنی اتحاد کونسل کے سربراہ صاحبزادہ حامد رضا نے پاکستان تحریک انصاف (پی ٹی آئی) کی سیاسی اور کور کمیٹی سے اپنے عہدے سے استعفیٰ دے دیا ہے۔
ذرائع کے مطابق صاحبزادہ حامد رضا نے 24 نومبر کے احتجاج کے دوران پارٹی میں بڑھتی ہوئی تنقید اور اختلافات کی وجہ سے استعفیٰ دینے کا فیصلہ کیا۔
مزید براں، ذرائع نے یہ بھی بتایا کہ صاحبزادہ حامد رضا نے قومی اسمبلی کی نشست سے بھی استعفیٰ دینے کا ارادہ کر لیا ہے۔ وہ پی ٹی آئی کے بانی سے ملاقات کے بعد اپنا استعفیٰ قومی اسمبلی میں پیش کریں گے۔
یہ بھی یاد رہے کہ اس سے پہلے پی ٹی آئی کے سیکرٹری جنرل سلمان اکرم راجہ نے اپنے عہدے سے استعفیٰ دے دیا تھا، جس کی تصدیق چیئرمین پی ٹی آئی بیرسٹر گوہر خان نے کی تھی۔