لاہور ہائیکورٹ میں براہِ راست درخواستیں داخل کرنے پر پابندی
لاہور: چیف جسٹس لاہور ہائیکورٹ عالیہ نیلم نے سرکاری محکموں سے متعلق بڑا فیصلہ کیا ہے۔ اب کسی بھی شکایت کے لیے متعلقہ محکمے سے رجوع کیے بغیر لاہور ہائیکورٹ میں درخواست دائر نہیں کی جا سکے گی۔ براہِ راست کیسز داخل ہونے کی وجہ سے لاہور ہائیکورٹ میں زیر التوا مقدمات میں اضافہ ہو گیا تھا، جس پر یہ فیصلہ کیا گیا۔ چیف جسٹس لاہور ہائیکورٹ عالیہ نیلم کا کہنا ہے کہ براہِ راست کیسز دائر کرنے کے باعث سائلین کو بھی اضافی مشکلات کا سامنا تھا۔ چیف جسٹس کی منظوری کے بعد ایڈیشنل رجسٹرار شبیر شاہ نے اس فیصلے کا سرکلر جاری کر دیا۔
