اسلام آباد: پاکستان تحریک انصاف (پی ٹی آئی) کے چیئرمین بیرسٹر گوہر علی خان نے پولی کلینک، پمز اور سی ڈی اے کو ایک خط ارسال کیا ہے جس میں ریکارڈ فراہم کرنے کا مطالبہ کیا گیا ہے۔ خط میں چیئرمین پی ٹی آئی نے سی سی ٹی وی فوٹیجز کی درخواست کی ہے اور ساتھ ہی 24 نومبر سے 28 نومبر تک رات 11 بجے تک لائے گئے مریضوں کی تفصیلات بھی طلب کی ہیں۔
اس کے علاوہ، خط میں اسپتالوں کے داخلی اور خارجی راستوں کے سیف سٹی کیمروں کی فوٹیج بھی طلب کی گئی ہے۔ چیئرمین پی ٹی آئی نے کہا ہے کہ اسپتال میں لائے گئے مریضوں کی تفصیلات فراہم کی جائیں، کتنی اموات واقع ہوئیں، کتنے مریضوں کا پوسٹ مارٹم کیا گیا، اور کتنی ڈیڈ باڈیز کو ورثا کے حوالے کیا گیا۔
خط میں مزید یہ بھی پوچھا گیا ہے کہ اموات کی وجوہات کیا تھیں اور اس بارے میں مکمل تفصیلات فراہم کی جائیں۔
