پاکستان اور جنوبی افریقا کے درمیان کل سے شروع ہونے والی ون ڈے سیریز کی ٹرافی کی رونمائی
پاکستان اور جنوبی افریقا کے درمیان 3 میچز کی ون ڈے سیریز کا پہلا میچ کل کھیلا جائے گا۔ ٹی ٹوئنٹی سیریز کے بعد اب پاکستان اور جنوبی افریقا کے درمیان ون ڈے سیریز کا آغاز ہونے جا رہا ہے۔ پہلا ون ڈے میچ کل بولینڈ پارک میں کھیلا جائے گا۔
پیر کو پہلے ون ڈے کی تیاری کے لیے پاکستانی کھلاڑیوں نے پریکٹس سیشن کیا، اور اسی دوران سیریز کی ٹرافی کی رونمائی بھی کی گئی۔ اس میں پاکستانی کپتان محمد رضوان اور جنوبی افریقی کپتان ٹیمبا باووما شریک ہوئے۔
جنوبی افریقا کے کپتان ٹیمبا باووما ورک لوڈ کے باعث پہلے ون ڈے میں شرکت نہیں کریں گے، ان کی جگہ ایڈم مارکرم قیادت کریں گے۔
پاکستان اور جنوبی افریقا کے درمیان اب تک 83 ون ڈے میچز کھیلے جا چکے ہیں، جن میں جنوبی افریقا نے 52 میچز جیتے ہیں اور پاکستان نے 30 میچز۔ ایک میچ کا نتیجہ نہیں نکل سکا۔
یاد رہے کہ پاکستان اور جنوبی افریقا کے درمیان تیسرا ٹی ٹوئنٹی میچ بارش کی وجہ سے منسوخ ہو گیا تھا، جس کی وجہ سے جنوبی افریقا نے تین میچز کی ٹی ٹوئنٹی سیریز 0-2 سے اپنے نام کی تھی۔
