سائنسدانوں نے پیش گوئی کی ہے کہ 2025 میں اوریگون کے ساحل سے دور ایک زیر سمندر آتش فشاں پھٹ سکتا ہے۔ Axial Seamount نامی یہ آتش فشاں میگما کے دباؤ کی وجہ سے خطرناک سرگرمیاں دکھا رہا ہے، جو اسے کسی بھی وقت پھٹنے کی جانب لے جا سکتی ہیں۔
ماہرین ارضیات کے مطابق، 2025 میں زیر سمندر واقع ایک آتش فشاں پھٹنے کی پیش گوئی کی گئی ہے۔ یہ آتش فشاں، جسے Axial Seamount کہا جاتا ہے، اوریگون کے ساحل سے 470 کلومیٹر دور اور سمندر کے نیچے ایک کلومیٹر کی گہرائی میں واقع ہے۔ یہ آتش فشاں خطرناک حرکیاتی سرگرمیاں دکھا رہا ہے، جن سے پتہ چلتا ہے کہ آتش فشاں کے پھٹنے کا خطرہ بڑھ رہا ہے۔
ماہر ارضیات ولیم چاڈویک نے امریکن جیو فزیکل یونین کے واشنگٹن ڈی سی میں منعقدہ اجلاس میں اپنے تحقیقی نتائج پیش کیے۔ کئی سال سے مختلف آلات اس آتش فشاں کی نگرانی کر رہے ہیں، جن کی مدد سے سمندری فرش پر کیبلز کے ذریعے ڈیٹا حاصل کیا جاتا ہے، جھٹکوں اور ابھار کی پیمائش کی جاتی ہے، اور ریئل ٹائم ڈیٹا فراہم کیا جاتا ہے۔
اسکریپس انسٹی ٹیوشن آف اوشینوگرافی کے ارضیات کے ماہر مارک زمبرج نے کہا ہے کہ Axial Seamount کرہ ارض پر سب سے بہتر جانچے جانے والے زیر سمندر آتش فشاں میں سے ایک ہے۔
نومبر میں Axial کی ایک خاص کارروائی نے ولیم چاڈویک کی توجہ حاصل کی، جب اس کی سطح تقریباً ویسی ہی بلندی پر پہنچ چکی تھی جیسی کہ وہ 2015 میں پھٹنے کے کچھ عرصہ پہلے تھی۔ اس ابھار کا مطلب ہے کہ میگما نیچے جمع ہو چکا ہے اور زمینی دباؤ پیدا کر رہا ہے
