عائزہ خان اور دانش تیمور کی اپنے بچوں کے ساتھ ڈانس ویڈیو نئے سال کی خوشی میں سوشل میڈیا پر مقبول ہو گئی ہے، جس میں ان کے بیٹے ریان کی پرفارمنس نے خاص طور پر تہلکہ مچادیا۔ مداحوں اور مشہور شخصیات نے ویڈیو کی بے حد تعریف کی ہے
پاکستانی ڈراموں کی مشہور اداکارہ عائزہ خان اور ان کے شوہر، اداکار دانش تیمور، کی بچوں کے ساتھ ڈانس ویڈیو نے سوشل میڈیا پر تہلکہ مچادیا ہے۔ یہ ویڈیو نئے سال کی خوشی منانے کے دوران بنائی گئی ہے، جس میں دونوں اپنے بچوں کے ساتھ ایک انگریزی گانے پر ڈانس کر رہے ہیں۔ یہ ویڈیو سوشل میڈیا پر تیزی سے وائرل ہو گئی ہے۔
عائزہ خان نے فوٹو شیئرنگ ایپ انسٹاگرام پر اس دلکش ویڈیو کو شیئر کیا اور کیپشن میں لکھا، بس ہم چار، اور ہزاروں یادیں میرے بچوں کے پسندیدہ گانے کے ساتھ بندھی ہوئی۔
عائزہ اور دانش کے 7 سالہ بیٹے، ریان کے ڈانس اور پوز نے ناظرین کو حیرت میں ڈال دیا ہے، اور صارفین ویڈیو پر دلچسپ تبصرے کر رہے ہیں۔ ریان کی بہترین پرفارمنس دیکھ کر کمنٹ سیکشن میں تعریفوں کے انبار لگ گئے ہیں۔ اس نے نہ صرف مداحوں کو بلکہ کئی مشہور شخصیات کو بھی متاثر کیا ہے۔
اداکارہ حرا سومرو نے کمنٹس میں لکھا، ریان نے شو چرا لیا اور حورین بہت کیوٹ لگ رہی ہے، ہاہاہا، ماں باپ بھی ٹھیک ہی پرفارم کر رہے ہیں۔ جبکہ اداکارہ منال خان نے بھی ریان کی تعریف کرتے ہوئے لکھا، ریان آگ لگا رہا ہے
