ان دنوں آسمان پر سیارے ایک قطار میں نظر آ رہے ہیں، جسے "پلانیٹ پریڈ” کہا جاتا ہے۔ماہر فلکیات ڈاکٹر جاوید اقبال کے مطابق، 22 جنوری کو غروب آفتاب کے بعد پاکستان میں 6 سیاروں کا مشاہدہ کیا جا سکتا ہے۔
انہوں نے بتایا کہ انسٹیٹیوٹ آف اسپیس سائنس اینڈ ٹیکنالوجی میں ان سیاروں کو دیکھا جائے گا۔
زہرہ، مشتری، مریخ اور زحل کو بغیر دوربین کے دیکھا جا سکتا ہے، جبکہ نیپچون اور یورینس کو دیکھنے کے لیے دوربین کی ضرورت ہوگی۔
ڈاکٹر جاوید کے مطابق، سیاروں کا یہ نظارہ فروری کے دوسرے ہفتے تک جاری رہے گا، اور اسے دیکھنے کا بہترین دن25 جنوری ہوگا۔سیاروں کی اس طرح کی قطار ہر سال نظر نہیں آتی، اس لیے یہ ایک خاص موقع ہے۔
اگر آپ بھی یہ نظارہ دیکھنا چاہتے ہیں تو سورج غروب ہونے کے 45 منٹ بعد آسمان کی طرف دیکھیں۔
زہرہ اور زحل جنوب مغرب میں جگمگائیں گے، مشتری جنوب مشرق میں نظر آئے گا، اور مریخ مشرقی آسمان پر دکھائی دے گا۔
