اسلام آباد: وزارت مذہبی امور نے حج 2024 کے حتمی پیکجز کا اعلان کر دیا۔ ترجمان وزارت کے مطابق، لانگ حج پیکج کی قیمت 10 لاکھ 75 ہزار روپے جبکہ شارٹ حج پیکج 11 لاکھ 50 ہزار روپے مقرر کی گئی ہے۔
ترجمان کے مطابق، حج واجبات کی تیسری قسط یکم فروری سے 10 فروری کے درمیان وصول کی جائے گی۔ سرکاری حج اسکیم میں اب چند ہی نشستیں باقی رہ گئی ہیں اور نئی درخواستیں "پہلے آئیے، پہلے پائیے” کی بنیاد پر 30 جنوری تک جمع کرائی جا سکتی ہیں۔
تاہم، شارٹ حج پیکج کی تمام نشستیں بُک ہوچکی ہیں اور اب صرف لانگ حج پیکج کی بکنگ جاری ہے۔ پرائیویٹ حج کے خواہشمند افراد 31 جنوری تک اپنی بکنگ مکمل کرا سکتے ہیں۔
