سپریم کورٹ اسلام آباد میں آج 6 فروری کو لاہور ہائی کورٹ کے 10 ایڈیشنل ججز کی تعیناتی کے معاملے پر جوڈیشل کمیشن کا اہم اجلاس منعقد ہوگا۔ اجلاس کی صدارت چیف جسٹس پاکستان یحییٰ آفریدی کریں گے۔
ذرائع کے مطابق جوڈیشل کمیشن کو ایڈیشنل ججز کے لیے مجموعی طور پر 49 نامزدگیاں موصول ہوئیں، جن میں 4 ڈسٹرکٹ سیشن ججز اور 45 سینئر وکلا شامل ہیں۔
سپریم کورٹ کمیٹی روم میں دوپہر 2 بجے ہونے والے اس اجلاس میں لاہور ہائی کورٹ کے لیے 4 ڈسٹرکٹ سیشن ججز کے ناموں پر غور کیا جائے گا۔ ان ججز میں قیصر نذیر بٹ، محمد اکمل خان، جزیلہ اسلم اور ابہر گل خان شامل ہیں۔
اس کے علاوہ، اجلاس میں 45 سینئر وکلا کے ناموں پر بھی غور ہوگا، جن میں عدنان شجاع بٹ، ایان طارق بھٹہ، امبرین انور راجہ، اسد محمود عباسی، عصمہ حامد، بشریٰ قمر، اقبال احمد خان، سلطان محمود، غلام سرور، حیدر رسول مرزا، حارث عظمت، حسیب شکور پراچہ، حسن نواز مخدوم، ہماں اعجاز زمان، خالد اسحاق، ملک جاوید اقبال وئیں، ملک محمد اویس خالد، ملک وقار حیدر اعوان، میاں بلال بشیر، مغیث اسلم ملک، محمد اورنگزیب خان، محمد جواد ظفر، محمد نوید فرحان، نوازش علی پیرزادہ، ساجد خان تنولی، ثاقب جیلانی، محمد زبیر خالد، منور السلام، مقتدر اختر شبیر، مشتاق احمد مہل، نجف مزمل خان، نوید احمد خواجہ، قادر بخش، قاسم علی چوہان، رافع زیشان جاوید الطاف، رانا شمشاد خان، رضوان اختر اعوان، صباحت رضوی، سلمان احمد، سمیعہ خالد، سردار اکبر علی، شیغن اعجاز، سید احسن رضا کاظمی، انتخاب حسین شاہ اور عثمان اکرم ساہی شامل ہیں۔
اجلاس میں ان ناموں پر تفصیلی مشاورت کی جائے گی اور جوڈیشل کمیشن حتمی فیصلے کے لیے اپنی سفارشات مرتب کرے گا۔
