جنوبی وزیرستان: خیبر پختونخوا کے علاقے جنوبی وزیرستان کے دونوں اضلاع میں کرفیو نافذ کر دیا گیا ہے، جس کے باعث کئی اہم راستے بند کر دیے گئے ہیں۔
تفصیلات کے مطابق گزشتہ روز ضلع جنوبی وزیرستان اپر، ضلع جنوبی وزیرستان لوئر اور ٹانک کے ڈپٹی کمشنرز نے کرفیو کے نوٹیفکیشنز جاری کیے تھے، جن کے تحت صبح 6 بجے سے شام 6 بجے تک تمام راستے بند رہیں گے۔
نوٹیفکیشن کے مطابق:
زالئی سے نیو کیڈٹ کالج وانا تک سڑک بند رہے گی۔
تنائی، سرواکئی، جنڈولہ اور کاور قلعہ روڈ پر ہر قسم کی آمدورفت پر پابندی عائد کر دی گئی ہے۔
احمد وام سے کوٹکئی تک راستے بند رہیں گے۔
بی بی رغزئی سے جنڈولہ تک جانے والی سڑک بھی بند کر دی گئی ہے۔
ضلعی انتظامیہ نے مسافروں کو متبادل راستے اختیار کرنے کی ہدایت دی ہے، تاہم وانا گومل زام روڈ مسافروں کے لیے کھلی رہے گی۔
اس کے علاوہ، ٹانک میں بھی کرفیو نافذ کر دیا گیا ہے، جس کے تحت جنڈولہ-ٹانک-وانا جنوبی وزیرستان شاہراہ کو بند کر دیا گیا ہے۔
انتظامیہ کے مطابق، علاقے میں سیکیورٹی کی صورتحال کے پیشِ نظر یہ اقدامات کیے گئے ہیں تاکہ شہریوں کی حفاظت کو یقینی بنایا جا سکے۔
