سونے کی قیمت نے اڑان بھر لی اور اب یہ تاریخ کی بلند ترین سطح پر جا پہنچی! پاکستان سے لے کر پوری دنیا تک، سونا اب سب کے لیے خواب بنتا جا رہا ہے۔
سونے کو جیسے پر لگ گئے ہوں، کیونکہ اس کی قیمت اب تک کی بلند ترین سطح پر پہنچ گئی ہے۔ کراچی سمیت پاکستان اور دنیا بھر میں سونے کی قیمت نے نیا ریکارڈ بنا دیا ہے۔ آل پاکستان جیمز اینڈ جیولرز ایسوسی ایشن نے بتایا کہ فی تولہ سونے کی قیمت میں 2 ہزار 550 روپے کا اضافہ ہوا، جس کے بعد یہ 3 لاکھ 17 ہزار 350 روپے تک جا پہنچی ہے۔
ملک میں 10 گرام سونے کی قیمت بھی بڑھ گئی اور 2 ہزار 186 روپے اضافے کے ساتھ 2 لاکھ 72 ہزار 76 روپے ہو گئی ہے۔ ایسوسی ایشن کا کہنا ہے کہ عالمی مارکیٹ میں بھی سونے کی قیمت میں 25 ڈالر کا اضافہ ہوا، جس کے بعد یہ 3 ہزار 22 ڈالر فی اونس پر پہنچ گئی ہے۔
