اسلام آباد:16 دسمبر 2024 سے آئندہ 15 روز کے لیے پیٹرول کی قیمت میں معمولی اضافہ جبکہ ڈیزل کی قیمت میں کمی کا امکان ہے۔ اطلاعات کے مطابق، پیٹرول کی قیمت میں 0.81 روپے فی لیٹر اضافے جبکہ ڈیزل کی قیمت میں 3.94 روپے فی لیٹر کمی متوقع ہے۔
حکام نے بتایا کہ موجودہ 15 دنوں کے دوران پہلے 12 دنوں میں عالمی مارکیٹ میں شام کی سیاسی صورتحال کی وجہ سے غیر یقینی حالات نے پیٹرول کی قیمت میں معمولی اضافہ اور ڈیزل کی قیمت میں معقول کمی کا اندازہ لگایا ہے۔
ماہرین کا کہنا ہے کہ اگر شام کی موجودہ صورتحال جلد مستحکم ہو جاتی ہے تو پیٹرولیم مصنوعات کی قیمتیں مزید کم ہونے کا امکان ہے، جس سے عوام کو ریلیف مل سکتا ہے۔
