پاک ویسٹ انڈیز ٹیسٹ سیریز کا پہلا میچ کراچی سے ملتان منتقل کر دیا گیا
کراچی:پاکستان اور ویسٹ انڈیز کے درمیان طے شدہ ٹیسٹ کرکٹ سیریز کا پہلا میچ اب کراچی سے ملتان منتقل کردیا گیا ہے۔
ذرائع کے مطابق، پاکستان اور ویسٹ انڈیز کے درمیان پہلا ٹیسٹ میچ 16 جنوری سے 20 جنوری تک ملتان اسٹیڈیم میں کھیلا جائے گا۔ اس کے بعد دوسرا ٹیسٹ 24 سے 28 جنوری تک ملتان میں ہی ہوگا۔
اس سے پہلے یہ میچ کراچی کے نیشنل اسٹیڈیم میں 16 جنوری سے 20 جنوری تک شیڈول تھا، لیکن نیشنل اسٹیڈیم میں جاری تعمیراتی کام کی وجہ سے میچ کو ملتان منتقل کرنے کا فیصلہ کیا گیا ہے۔
