ممبئی: بالی ووڈ کی معروف اداکارہ کترینہ کیف اپنی ساس کے ہمراہ مہاکمبھ میلے میں شرکت کے لیے پہنچیں، جہاں ان کی تصاویر سوشل میڈیا پر تیزی سے وائرل ہو رہی ہیں۔
تفصیلات کے مطابق بالی ووڈ فلم "چھاوا” کے اسٹار وکی کوشل کی اہلیہ کترینہ کیف اب اپنے سسرالی رنگ میں رنگتی دکھائی دے رہی ہیں۔ وہ اپنے شوہر کی والدہ کے ساتھ بھارت کے مشہور مذہبی تہوار مہاکنبھ میلے میں شریک ہوئیں، جہاں انہوں نے دریائے گنگا میں ڈبکی بھی لگائی۔
کترینہ کیف نے اس موقع پر نارنجی رنگ کا لباس زیب تن کر رکھا تھا اور وہ اپنی ساس کے ساتھ گنگا میں مذہبی رسومات ادا کرتی نظر آئیں۔ ہندو عقیدے کے مطابق، اس دریا میں ڈبکی لگانے سے گناہوں کا کفارہ ادا ہوتا ہے۔
یہ بات قابل ذکر ہے کہ مہاکنبھ میلہ ایک ہندو مذہبی تہوار ہے، جو ہر 12 سال بعد منعقد ہوتا ہے۔ یہ میلہ 13 جنوری 2025ء کو بھارت میں شروع ہوا، جس میں ملک بھر سے کروڑوں عقیدت مند شریک ہو رہے ہیں۔
بھارتی شہر الہٰ آباد میں جاری یہ میلہ 26 فروری 2025ء کو اختتام پذیر ہوگا۔
