لاہور :منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے اپنے دورہ بحرین کے موقع پر شاہ بحرین شیخ حمد بن عیسیٰ آل خلیفہ کی خصوصی دعوت پر سخیر پیلس میں ان سے ملاقات کی۔اس موقع پر شاہ بحرین نے گفتگو کرتے ہوئے کہا کہ اُمت مسلمہ کے اتحاد، فروعی اختلافات کے خاتمہ اور اجتماعیت کو فروغ دینے کی ضرورت ہے۔
انہوں نے بین المذاہب رواداری کی کوششوں کو سراہا۔سخیر پیلس میں وفد کے اعزاز میں ظہرانہ کا اہتمام بھی کیا گیا۔ ڈاکٹر حسن محی الدین قادری نے شاہی پروٹوکول ٹیم کو شیخ الاسلام ڈاکٹر محمد طاہرالقادری کے شہرۂ آفاق انگریزی ترجمہ قرآن ’’دی مینی فیسٹ قرآن‘‘،’’قرآن آن مینجمنٹ‘‘ اور اپنی شہرۂ آفاق عربی تصنیف ’’دستور مدینہ‘‘ اور دیگر کتب تحفہ میں دیں۔ ڈاکٹر حسن محی الدین قادری نے شاہ بحرین شیخ حمد بن عیسیٰ آل خلیفہ کی پرتپاک مہمان نوازی کا شکریہ ادا کیا اور مملکت بحرین کی امن و اتحاد کے فروغ میں خدمات پر خراج تحسین پیش کیا۔ اس موقع پر شیخ الازہر بھی موجود تھے۔
