واشنگٹن:امریکی محکمہ خارجہ کی ترجمان ٹیمی بروس نے بانی پی ٹی آئی سے متعلق سوال پر کوئی ردعمل دینے سے انکار کر دیا۔
بریفنگ کے دوران ایک صحافی کے سوال پر ٹیمی بروس کا کہنا تھا کہ امریکی حکومت کسی دوسرے ملک کے اندرونی معاملات پر تبصرہ نہیں کرتی۔
انہوں نے مزید وضاحت کرتے ہوئے کہا کہ اگر کسی کو صدر ڈونلڈ ٹرمپ کی سوچ کے بارے میں معلومات درکار ہیں تو وہ براہِ راست وائٹ ہاؤس سے رابطہ کر سکتا ہے۔
ٹیمی بروس نے کہا کہ صدر ٹرمپ اور وزیر خارجہ مارکو روبیو نے ہمیشہ واضح کیا ہے کہ امریکا کو اپنے پڑوسیوں اور دنیا بھر کے معاملات کی فکر ہے، اور یہ بات ان کے اقدامات سے عیاں ہوتی ہے۔
ترجمان نے سوال کرنے والے صحافی کا شکریہ ادا کیا اور پھر بریفنگ میں اگلے سوال کی جانب بڑھ گئیں۔
