فیصل آباد:منہاج ویلفیئر فاونڈیشن کے زیر اہتمام علی پورہ میں سینکڑوں مستحق خاندانوں میں اشیائے خورد و نوش پر مشتمل رمضان راشن پیکج تقسیم کئے گئے ۔ تقریب میں تحریک منہاج القرآن کے مرکزی ناظم اعلیٰ انجینئرمحمد رفیق نجم،راناآصف جمیل،خالدمصطفوی ایڈووکیٹ ،سہیل مقصود،سہیل شوکت،عارف نیازی،غلام محمدقادری ،سہیل حسین،راناخرم،ظفراقبال ورک،احمددین،میاں ظہورانور،عمرفاروق علوی،شیرازستار،علی رضاشاہ،،ڈاکٹرعامرشہزاد،میاں امجدقادری،میاں فیاض نے خصوصی طور پر شرکت کی اور مستحق افراد میں رمضان راشن پیکج تقسیم کیے۔ اس موقع پرگفتگو کرتے ہوئے مرکزی نائب ناظم اعلیٰ انجینئرمحمد رفیق نجم نے کہا کہ رمضان المبارک کا مہینہ عبادت، ایثار اور ضرورت مندوں کی مدد کا درس دیتا ہے اور منہاج ویلفیئر فاونڈیشن ہر سال اس بابرکت مہینے میں مستحق خاندانوں کے لیے راشن کی فراہمی کو یقینی بناتی ہے۔ ضرورت مندوں کی مدد کرنا فلاحی اداروں کے ساتھ ساتھ ہر صاحب استطاعت فرد کی ذمہ داری ہے۔ انہوں نے کہا کہ منہاج ویلفیئر فاونڈیشن کے تحت پورے ملک میں راشن کی تقسیم کا عمل جاری ہے اور ہزاروں خاندانوں کو یہ راشن مہیا کیا جا رہا ہے۔ "ہمارے دروازے ہر ضرورت مند کے لیے کھلے ہیں اور ہم اس بات کو یقینی بناتے ہیں کہ کوئی بھی مستحق شخص رمضان المبارک میں بھوکا نہ رہے۔راناآصف جمیلنے کہا کہ رمضان المبارک رحمتوں اور برکتوں کا مہینہ ہے، جو ہمیں ایک دوسرے کا احساس کرنے اور ضرورت مندوں کی مدد کا درس دیتا ہے۔ انہوں نے کہا کہ قرآن و سنت کی روشنی میں مستحقین کی مدد کرنا نہ صرف ایک اخلاقی اور سماجی فریضہ ہے بلکہ اسلامی تعلیمات کے مطابق ایک عظیم عبادت بھی ہے۔انہوں نے کہا کہ منہاج ویلفیئر فاونڈیشن ہر سال ہزاروں مستحق خاندانوں میں راشن تقسیم کرتی ہے تاکہ انہیں روزمرہ کی بنیادی ضروریات میسر آ سکیں۔ "ہمارا مقصد صرف راشن تقسیم کرنا نہیں بلکہ ایک ایسا سماجی نظام تشکیل دینا ہے جس میں ہر ضرورت مند کو بروقت مدد فراہم کی جا سکے۔””مستحقین کی مدد بہترین صدقہ ہے” ۔ انہوں نے مخیر حضرات سے بھی اپیل کی کہ وہ آگے بڑھ کر اس کار خیر میں حصہ لیں تاکہ زیادہ سے زیادہ ضرورت مند خاندانوں کی مدد کی جا سکے۔رمضان راشن پیکج ملنے پر مستحق افراد نے خوشی کا اظہار کیا اور منہاج ویلفیئر فاونڈیشن کا شکریہ ادا کیا۔
