شیخ الاسلام ڈاکٹر طاہرالقادری 13اپریل کو ختم نبوت کانفرنس سے خطاب کریں گے

لاہور :تحریک منہاج القرآن کے بانی وسرپرست اعلیٰ شیخ الاسلام پروفیسر ڈاکٹر محمد طاہرالقادری 13اپریل کو شاہ ہمدان اسلامک کمپلیکس، سگھر شریف تلہ گنگ میں بین الاقوامی ختمِ نبوتؐ کانفرنس سے خطاب کریں گے۔کانفرنس کا اہتمام عظیم روحانی پیشواپیر سید محمد شاہ ؒ کے عرس کے موقع پر کیا گیا ہے ۔ ختم نبوت کانفرنس کی صدارت سجادہ نشین سید مقصود احمد ہمدانی کریں گے ۔کانفرنس میں جید علمائے کرام،مشائخ عظام ،مذہبی ،سیاسی و سماجی رہنما اور تحریک منہاج القرآن تلہ گنگ کے قائدین و کارکنان شریک ہوں گے ۔تحریک منہاج القرآن تلہ گنگ کےناظم امتیاز احمد طاہر نے کہا ہے کہ عظیم الشان ختم نبوت کانفرنس کے انعقاد میں تحریک منہاج القرآن تلہ گنگ انتظام و انصرام میں شریک ہے۔اس وقت عقیدہ ختم نبوت کے بارے میںعوام کو قرآن و سنت کی روشنی میں تعلیم دینے کی از حد ضرورت ہے۔ایک سازش کے تحت عقیدہ ختم نبوت پر حملے کئے جا رہے ہیں۔عقیدہ ختم نبوت ایمان کی اصل اور روح ہے۔انشا اللہ تعالیٰ شیخ الاسلام کے خطاب سے ہر قسم کے ابہام کا خاتمہ ہو گا ۔