سرینگر:28 مئی یوم تکبر کے موقع پر مقبوضہ کشمیر میں پاکستان پرچم، فیلڈ ماشل عاصم منیر اور J-10Cلڑاکا طیاروں کے پوسٹرز اور تصاویر آویزاں کر دئیے گئے، بھارت کو منہ توڑ جواب دینے اور اس کا غرور خاک میں ملانے پر افواج پاکستان کو مبارکباد دینے کی تحریر پوسٹرز پر درج ہیں۔ یہ پوسٹرز اور پرچم کشمیریوں کے دلوں میں پاکستان کی محبت اور بھارتی جارحیت کے خلاف مزاحمت کی علامت ہیں۔
پوسٹرز اور پیغامات
پوسٹرز پر درج تحریروں میں بھارتی جارحیت کے خلاف پاکستان کے منہ توڑ جواب کی ستائش کی گئی ہے۔ ایک پوسٹر پر لکھا تھا:
بھارتی جارحیت کے خلاف پاکستان کا منہ توڑ جواب کشمیریوں کے دلوں کو خوشی سے بھر دیتا ہے۔ افواجِ پاکستان کو خراجِ تحسین!
مزید برآں، پوسٹرز میں کشمیریوں کی حق خود ارادیت کی جدوجہد کے لیے پاکستان کی سیاسی، سفارتی اور اخلاقی حمایت پر شکریہ ادا کیا گیا۔ یہ پوسٹرز سری نگر، پلوامہ، اور دیگر اہم مقامات پر دیواروں اور ستونوں پر آویزاں کیے گئے، جو کشمیری عوام کے پاکستان سے گہرے تعلق کی عکاسی کرتے ہیں۔
آپریشن بنیان مرصوص کی کامیابی
حالیہ آپریشن بنیان مرصوص میں پاکستانی مسلح افواج نے بھارت کو عسکری میدان میں بدترین شکست دی۔ پاکستانی فضائیہ کے J-10C اور JF-17 تھنڈر طیاروں نے بھارتی رافیل طیاروں اور جدید دفاعی نظام S-400 کو تباہ کیا، جس سے بھارت کی فوجی صلاحیت کا پول کھل گیا۔ اس آپریشن کے نتیجے میں شمالی بھارت کے 70 فیصد علاقوں میں بجلی کی ترسیل معطل ہوگئی، جو بھارتی فوج کی کمزوریوں کی واضح مثال ہے۔ان کامیابیوں نے مقبوضہ کشمیر کے عوام میں ایک نئی امنگ پیدا کی ہے۔ پوسٹرز پر پاکستانی فوج کی تصاویر اور بھارتی طیاروں کی تباہی کی علامتیں کشمیریوں کے لیے فخر کا باعث ہیں۔ ان پوسٹرز نے نہ صرف پاکستانی فوج کی طاقت کو اجاگر کیا بلکہ کشمیریوں کے حوصلے بھی بلند کیے۔
کشمیری عوام کا ردعمل
مقبوضہ کشمیر میں پاکستانی پرچموں کا لہرانا اور پوسٹرز کا آویزاں کیا جانا کشمیری عوام کی بھارتی تسلط کے خلاف مزاحمت کی علامت ہے۔ یہ پوسٹرز بھارتی فوج کی موجودگی کے باوجود کشمیریوں کے جذبے کو دبانے میں ناکامی کی گواہی دیتے ہیں۔ کشمیری عوام نے ان پوسٹرز کے ذریعے اپنی امنگوں کو ظاہر کیا کہ وہ پاکستان کو اپنا حامی سمجھتے ہیں اور بھارتی جارحیت کے خلاف پاکستانی فوج کی کارروائیوں کو سراہتے ہیں۔
بھارتی میڈیا اور حکومت کا ردعمل
بھارتی میڈیا اور حکومت نے ان پوسٹرز اور پاکستانی پرچموں کے لہرانے پر شدید برہمی کا اظہار کیا ہے۔ بھارتی میڈیا نے اسے "پاکستان کی مداخلت” قرار دیتے ہوئے پروپیگنڈا مہم شروع کی، لیکن کشمیریوں کے اس جذباتی ردعمل نے بھارت کے غیر قانونی تسلط کی حقیقت کو مزید بے نقاب کر دیا۔ بھارتی میڈیا نے پاکستانی فوج کی کامیابیوں کو چھپانے کی کوشش کی، لیکن مقبوضہ کشمیر میں پوسٹرز اور پرچموں نے ان کے بیانیے کو کمزور کر دیا۔
پس منظر
28 مئی 2025 بروز (بدھ) پاکستان نے اپنے 27ویں یومِ تکبیر کا جشن بھرپور طریقے سے منایا، اس دن پاکستان نے ایٹمی طاقت حاصل کی اور خطے میں دفاعی توازن قائم کیا۔ اس سال مقبوضہ کشمیر میں یہ دن غیر معمولی جوش و جذبے کے ساتھ منایا گیا، جہاں پاکستانی پرچم لہرائے گئے اور پاکستانی فوج کی حالیہ کامیابیوں کو خراجِ تحسین پیش کیا گیا۔
