بھارت میں ایک بندریا، رانی، نے اپنی مہارت سے انٹرنیٹ پر دھوم مچا رکھی ہے۔ وہ نہ صرف روٹی بناتی ہے بلکہ برتن اور کپڑے بھی دھوتی ہے، اور یہ ویڈیوز بین الاقوامی شہرت حاصل کر چکی ہیں
بھارت کے ضلع رائے بریلی کے گاؤں کھگی پورا سدھوا کی بندریا، رانی، کی ویڈیو سوشل میڈیا پر بڑی تیزی سے وائرل ہو رہی ہے۔ یہ بندریا گذشتہ 8 سالوں سے اپنے خاندان کے ساتھ گھر میں رہ رہی ہے۔
ویڈیو میں دکھایا گیا ہے کہ رانی نہ صرف برتن دھوتی ہے بلکہ کپڑے دھونا، فرش صاف کرنا، مصالحہ پیسنا اور روٹی بنانا بھی جانتی ہے، جس نے دیکھنے والوں کو حیران کر دیا ہے۔
گھر کے مالک، آکاش، نے بتایا کہ جب انہوں نے یہ ویڈیو شیئر کی، تو ان کی قسمت بدل گئی۔ اب تک کروڑوں لوگ اس ویڈیو کو دیکھ چکے ہیں، اور 100 ملین سے زائد ویوز مل چکے ہیں۔
گھر کے مالک کے مطابق، رانی بھارت سے باہر دوسرے ممالک میں بھی مشہور ہے جیسے کہ امریکا، برطانیہ، سعودی عرب، بنگلادیش، پاکستان، نیپال، ایران، روس، اور چین۔ مزید برآں، ممبئی، کولکتہ، وارانسی، اور دیگر شہروں سے لوگ اسے دیکھنے آتے ہیں۔
آکاش نے اپنی آمدنی کی تفصیلات نہیں بتائیں، لیکن کہا کہ ویڈیوز سے کافی پیسے کما چکے ہیں۔ رانی کچی روٹی کھانا پسند کرتی ہے اور غصے میں اپنی کلائی کاٹ لیتی ہے، لیکن کبھی جان بوجھ کر کسی کو ناراض نہیں کرتی
