انسانوں سے زیادہ عمر پانے والے جانور کون سے ہیں؟

دنیا میں کئی خوبصورت اور حیرت انگیز جانور موجود ہیں جو نہ صرف اپنی خوبصورتی اور ذہانت کی وجہ سے مشہور ہیں بلکہ ان میں کچھ جانور ایسے بھی ہیں جو انسانوں سے زیادہ طویل عمر پاتے ہیں۔

گرین لینڈ شارک
یہ شارک لمبی عمر پانے والے جانوروں میں سے ایک ہے۔ یہ نہایت خطرناک اور وزنی ہوتی ہے۔ اس کی لمبائی تقریباً 6.4 میٹر تک اور وزن ایک ہزار کلوگرام تک ہو سکتا ہے۔ یہ مچھلی حیرت انگیز طور پر 400 سال تک زندہ رہ سکتی ہے۔

رف آئی راک فش
گہرے سمندروں میں پائی جانے والی یہ مچھلی اپنے چمکدار رنگوں کی وجہ سے خاصی توجہ حاصل کرتی ہے۔ اس کی عمر تقریباً 200 سال تک ہو سکتی ہے، جو اسے لمبی عمر پانے والے جانوروں میں شامل کرتی ہے۔

ایشیائی ہاتھی
ایشیائی ہاتھی کے بارے میں مشہور ہے کہ یہ جلد غصے میں آجاتا ہے۔ تاہم، اگر اس کی عمر کی بات کریں تو یہ ہاتھی تقریباً 80 سال تک زندہ رہتا ہے، جو اسے ایک طویل عمر پانے والے زمینی جانور کے طور پر نمایاں کرتا ہے۔

گالاپاگوس کچھوا
کچھوے اپنی سست رفتار اور لمبی زندگی کے لیے مشہور ہیں۔ گالاپاگوس کچھوا خاص طور پر اس حوالے سے مشہور ہے۔ دنیا کے مختلف حصوں میں پائے جانے والے ان کچھووں کی عمر کئی دہائیوں تک جا سکتی ہے۔

سلفر کرسٹیڈ کوکاٹوز
یہ طوطا اپنی خوبصورتی اور ذہانت کی وجہ سے خاصا مشہور ہے۔ یہ نہ صرف دلکش ہے بلکہ اس کی عمر بھی تقریباً 100 سال تک ہو سکتی ہے، جو اسے منفرد بناتی ہے۔

یہ جانور قدرت کے ایسے شاہکار ہیں جو انسانوں کو حیرت میں ڈال دیتے ہیں اور ان کی طویل عمر ہمیں قدرت کے انوکھے نظام کی جھلک دکھاتی ہے۔