شمالی وزیرستان کے علاقے میر علی میں سکیورٹی فورسز نے انٹیلی جنس بیسڈ آپریشن کرتے ہوئے 6 دہشتگردوں کو ہلاک کر دیا۔
پاک فوج کے شعبہ تعلقاتِ عامہ (آئی ایس پی آر) کے مطابق، یہ آپریشن 29 اور 30 جنوری کی شب دہشتگردوں کی موجودگی کی اطلاع ملنے پر کیا گیا۔
آئی ایس پی آر کا کہنا ہے کہ فورسز نے کامیاب کارروائی کرتے ہوئے دہشتگردوں کے ٹھکانے کا سراغ لگایا اور 6 دہشتگردوں کو جہنم واصل کر دیا۔
شدید فائرنگ کے تبادلے میں میجر اسرار اور سپاہی محمد نسیم نے جام شہادت نوش کیا۔
میجر اسرار آپریشن کی قیادت کر رہے تھے اور دشمنوں کا بہادری سے مقابلہ کرتے ہوئے اپنی جان وطن پر قربان کر دی۔
