ریاض :سعودی ولی عہد شہزادہ محمد بن سلمان نے کہا ہے کہ امریکہ کے ساتھ 300 ارب ڈالر کی مالیت کے معاہدوں پر دستخط کیے گئے ہیں۔ جبکہ 600 ارب ڈالر کی سرمایہ کاری کے لیے ہم ابھی دیکھ رہے ہیں۔
عرب ٹی وی کے مطابق ولی عہد نے ان خیالات کا اظہار صدر ٹرمپ کے سعودی دورے کے موقع پر کیا ۔ شہزادہ محمد بن سلمان نے کہا انہیں امید ہے کہ امریکہ کے ساتھ ان معاہدوں کی مجموعی مالیت ایک ٹریلین ڈالر تک چلی جائے گی۔مملکت کے دارالحکومت ریاض میں امریکہ اور سعودی عرب کے انویسٹمنٹ فورم سے خطاب کے دوران امریکی صدر ڈونلڈ ٹرمپ نے سعودی عرب میں ٹرانسفارمیشن کے جاری عمل کی تعریف کی اور اس سلسلے میں ولی عہد شہزادہ محمد بن سلمان کے زیر قیادت سعودی ویژن 2030 کی کامیابی کو سراہا ۔ٹرمپ نے اس موقع پر ولی عہد شہزادہ محمد بن سلمان کو ایک عظیم شخصیت قرار دیتے ہوئے کہا وہ اپنی مملکت کے عوام کی خوب قیادت کر رہے ہیں۔ وہ کہہ رہے تھے سعودی عرب کے لوگوں نے علاقے میں ترقی کو فروغ دینے میں قائدانہ کردار ادا کیا ہے۔امریکی صدر نے کہا سعودی عرب عالمی سطح پر تجارتی حوالے سے ایک بڑے مرکز کے طور پر سامنے آیا ہے۔
اب مملکت کا تیل کے بغیر بھی ریوینیو جنریٹ کرنے میں ایک کامیاب سفر طے کیا ہے۔صدرٹرمپ نے علاقائی سطح پر درپیش چیلنجوں کا ذکر کرتے ہوئے سابق جوبائیڈن انتظامیہ پر تنقید کی کہ انہوں نے حوثیوں کا نام دہشت گرد گروپوں کی فہرست سے نکال دیا جو کہ ایک بہت بڑی غلطی تھی۔ انہوں نے سعودی عرب کی ترقی کے طرف گامزن ہونے اور اس دوران ایران کا پسماندگی کی طرف جانے کا بھی بطور خاص ذکر کیا ۔ان کا کہنا تھا اگر ایران نے امریکہ کی امن کوششوں کا مثبت جواب نہ دیا تو واشنگٹن کے پاس اس کے علاوہ کوئی چانس نہیں ہوگا کہ وہ ایران کو زیادہ سے زیادہ دبا کی زد میں لائے۔صدر ٹرمپ نے ایرانی ملیشیا حزب اللہ پر الزام لگایا کہ وہ لبنانی ریاست کو خطے میں عدم استحکام کا ذریعہ بنانے کی کوشش کر رہی ہے۔ ایران مشرق وسطی کی سب سے بڑی تباہی چاہنے والی طاقت ہے۔انہوں نے ایران کے اقدامات اور دوسرے ملکوں کے اقدامات کا تقابل کرتے ہوئے کہا دوسرے ملکوں کی سوچ اور عمل کا انداز مختلف ہے۔ اس لیے عرب دنیا ایران کے مقابلے میں ترقی کے راستے پر ہے
