لاہور: پنجاب کی وزیراعلیٰ مریم نواز نے کہا ہے کہ عالمی مالیاتی فنڈ( آئی ایم ایف ) کا حالیہ پروگرام آخری ثابت ہوگا۔ وزیراعلی پنجاب مریم نواز کا بیان میں کہنا تھا کہ پاکستان کی معیشت بلند پرواز کے لیے ٹیک آف کی پوزیشن میں آچکی ہے۔ وہ وقت دور نہیں جب پاکستان کا معاشی قوت کے طورپر ظہور ہوگا۔
آئی ایم ایف کا مثبت ردعمل معاشی ترقی کے لیے خوش آئند ہے۔ آئی ایم ایف کا حالیہ پروگرام آخری ثابت ہوگا۔ وزیر اعظم شہباز شریف اور ان کی ٹیم نے معاشی بحران سے نمٹنے کیلئے ناقابل فراموش کردار ادا کیا۔مریم نواز کا مزید کہنا تھا کہ پالیسی ریٹ میں کمی سے کاروبار اور معیشت پر مثبت اثرات مرتب ہوں گے۔
سرمایہ کاروں کا اعتماد دن بدن بڑھ رہا ہے۔ پنجاب میں ضروری اشیاء خوردونوش کے نرخ دیگر صوبوں کی نسبت سب سے کم ہیں۔ مہنگائی میں کمی آنے سے عوام نے سکھ کا سانس لیا۔انہوں نے کہا کہ وہ وقت دور نہیں جب پاکستان کا معاشی قوت کے طور پر ظہور ہوگا، ن لیگ کی حکومت نوازشریف کی قیادت میں عوام کی معاشی مشکلات کے حل کیلئے کوشاں ہے۔
وزیراعلیٰ نے کہا کہ معیشت کا مستحکم ہونے کے بعد ترقی کی جانب گامزن ہونا خوش آئند امر ہے، مسلم لیگ ن ہی پاکستان کے عوام کی امیدوں کا محور ہے، حکومتی معاشی پالیسی ریٹ میں کمی سے کاروبار اور معیشت پر مثبت اثرات مرتب ہونگے۔مریم نوازکا مزید کہنا تھا کہ سرمایہ کاروں کا اعتماد دن بدن بڑھ رہا ہے، پنجاب میں ضروری اشیاء خورونوش کے نرخ دیگر صوبوں کی نسبت سب سے کم ہیں، مہنگائی میں کمی آنے سے عوام نے سکھ کا سانس لیا ہے۔
آئی ایم ایف کا حالیہ پروگرام آخری ثابت ہو گا: مریم نواز
