حکومت کے اس فیصلے پر عوام میں خوشی کی لہر دوڑ گئی، رمضان کے آخری 10 دنوں کی بھی چھٹیاں دی جائیں گی۔
مالدیپ کے صدر ڈاکٹر محمد معیظو نے عوام کو خوشخبری دیتے ہوئے عید الفطر کی تعطیلات میں غیرمعمولی توسیع کا اعلان کر دیا ہے، جس کے تحت شہریوں کو پورا ہفتہ عید کی خوشیاں منانے کا موقع ملے گا۔
صدر کے دفتر سے جاری بیان کے مطابق، اگر یکم شوال 31 مارچ 2025 کو ہوتا ہے تو سرکاری دفاتر 31 مارچ سے 3 اپریل تک بند رہیں گے۔ جبکہ اگر عید 30 مارچ کو ہو تو عام طور پر چھٹیاں 30 مارچ سے 1 اپریل تک ہوتیں، لیکن صدر معیظو نے فیصلہ کیا ہے کہ عوام کو 3 اپریل تک چھٹیاں دی جائیں گی، چاہے عید کسی بھی دن ہو۔
اس فیصلے کے تحت 4 اور 5 اپریل کو جمعہ اور ہفتہ، جو مالدیپ کا روایتی ویک اینڈ ہوتا ہے، اس میں بھی شامل کر لیا گیا ہے۔ یوں سرکاری دفاتر 6 اپریل 2025 سے کھلیں گے اور عوام کو مسلسل ایک ہفتے کی عید کی چھٹیوں کا لطف اٹھانے کا موقع ملے گا
صدر معیظو نے رمضان کے آخری 10 دنوں کے لیے بھی 20 مارچ سے سرکاری دفاتر بند کرنے کا اعلان کیا ہے تاکہ عوام زیادہ سے زیادہ عبادت اور مذہبی فرائض پر توجہ دے سکیں۔
حکومت کے اس فیصلے کو عوام نے بے حد سراہا، کیونکہ نہ صرف انہیں عید کے دوران زیادہ چھٹیاں ملیں گی بلکہ رمضان کے آخری لمحات میں بھی عبادت کے لیے زیادہ وقت دستیاب ہوگا۔
